Og bloggen blir studieblogg igjen...

Jepp, då er me i gang. Powerpointpresentasjonen min ligg her. Les og lær:)

Ha ei fin veke!

Sjuk påske

Jepp, på så mange vis ei sjuk påske. Eg delvis ramma av influensa. Veret delvis ramma av galskap (40 cm snø på nokre få dagar i april). Eg må innrømma at eg liker betre når våren er som far min skildrar i sin blogg. Men det kan jo vere nydeleg her i Rindal og.

Akkurat nå er formen betre. Eg er barnevakt for nevøen min og sjølvsagt for dottera mi. Mann og syster er på påskenattsgudsteneste som eg sjølvsagt skulle vore med og gjort litt i, men fann ut at det var lurast å halda seg inne og prøva å bli frisk.

Påska har vore full av familie. Me har kosa oss. Bergljot og Knut Gunnar kom i palmehelga og reiste tirsdag og så reiste eg og Ragnhild rett til Trondheim for då kom mor, far og Åselena til Marie og Oddgeir. Onsdag kom heldigvis Arne Martin og, så fekk me feira 28-årsdagen hans. Torsdag var det storfeiring: Far blei 50 år:) Dermed er både foreldre og svigerforeldre kome så langt i livet. Han fekk digitalkamera, Nikon D70S. Me føler presset her i Rindal, men økonomien etter huskjøp og oppussing passer ikkje med eit slikt innkjøp, sjøl om me har objektiv frå før. Så me får vel vere tolmodige og vente nokre år. Er litt kresne på slikt. Då eg kjøpte kamera i 2001 var ikkje digitalt speilrefleks eit alternativ for ein student:)

Nå kjem dei heim, så då tar eg kvelden!
God natt!

Forandring fryder!

Så var det gjort. Humøret mitt var ikkje knallgrønt lenger.

Eg, jordmor for ein blogg:)

Jepp, Kristin. Nå driv eg på og hjelper lillesyster til å lage blogg. Nå har ho laga han. Ho tilhøyrer dialektgenerasjonen, så nå er det mogleg å sjå korleis folk frå mine kanter skriv dialekt.

God helg så lenge!

Sjukt barn

Så sit eg her då, på tredje dagen, med sjukt barn. Stakkars jente. Før ho starta i barnehagen var ho aldri sjuk. Dette skuleåret har ho plukka opp alt:( Burde vel gjort bloggen min kul. Bror min med frue har bytta til blogger. Bloggen deira har blitt mykje betre enn den dei hadde, utan reklame og slikt tull. Det fins folk med digitalkamera og god tid... Det ser faktisk ut at dei nyt tida mens dei har ho. Må bare innrømma at det var godt å vera to og kunne gjera ting saman når ein ville. Men det er jo utruleg morosamt og takknemleg å vere foreldre og. Alle dei gode klemmane og rare utsagna som kjem frå ein toåring:) Medan ho sjuke søv og mannen jobber skal eg prinsipielt sett laga problemstilling til pedoppgåve, retta dativoppgåver, planlegga musikktimar (måtte jo bare ta på meg meir jobb i tillegg slik at 9.klassingane får litt musikk i år...) og gjera huset fint. Tenk at det faktisk er kulare å offentleggjera livet mitt på bloggen enn å starta på alt dette. Er jo godt i gang med klesvasken då og kjenner eg mange av dei utan born i huset rett, så er det vel frukost på programmet om lag på denne tida...

Kvar tid har si sjarm. Dagens visdomsord frå Silje

Og forresten: det er ikkje bare i Norge at influensaen herjer hardt for tida. I Moskva ligg mange sjuke der og. Alt ein får med seg når ein driv med epostkommunisering som lærar...

Så e de på an igjen...

Må innrømma at Jan Eggum har treffande tekstar av og til. Eg saknar ikkje heltane, men kor blei vinterferien av??? Tre oppgåver skal startast på og to av dei har ikkje problemstilling endå, retting av saker og ting blei utsatt. Og eg som følte meg flink då eg las 60 pensumsider og ein haug med sider på nett. Klar for skippertak fram til påske sidan to av oppgåvene, sjølvsagt dei to lengste så klart har leveringsfrist/kommentarfrist i slutten av april begge to. Irrgh. Og mannen min prøver å seie at eg ikkje må bli stressa, og eg har jo sagt at eg ikkje skal bli det... Til arbeidet!

Familiebilete

Følgjetongen om sundagsskulereklame held fram, her med eit fantastisk familiebilete:)
Familien min er i alle fall interessert. Me håper at hårklipp snart blir prioritert både for den eine og den andre. Juleklippen forsvann i flytting, og nå er det vinterferie! Jippi!!! Ferdig med praksisperioden for denne gong, halvvegs til 100! Resten skal eg ha neste skuleår med ein annan vegleiar og det trur eg blir bra.

Sidan sist er eg på veg inn i politikken og det er jo spanande. Kanskje blir det brakvalg for KrF slik at eg kjem inn i kommunestyret??? Time will show. Eg har blanda kjensler til slikt eigentleg, men det ser jo litt interessant ut viss eg klarer la vere å irritere meg for alt mogleg rart. Mi politiske karriere skal uansett stoppe før Storting og 16-timars dagar:)

God helg!

Innsida

Når eg skulle vere flittig student kjem eg sjølvsagt ikkje inn på innsida... Too old timestamp. Haha. Betyr ikkje det at eg liksom har logga på for fleire enn to sekund sidan, eller er engelsken min heilt på styr? Då får eg vere flittig og skrive blogg i staden.

Hadde eg hatt digitalkamera nå, skulle eg tatt bilete av mine fantastiske nybakte boller. Men på internett finn ein alt:) Hugsar ikkje sist eg baka. Har sakna det...

God natt!

Ballongslepp

Jepp, det blei ballongslepp og det var litt kult. Eg kosa meg i alle fall. Det var nok mange andre og som syntest at det var litt morosamt, trur eg, men det er vel ikkje fint å legga ut nærbilete av folk utan å spør dei, eller? Og ideen må eg innrømma at eg har lese meg til... Men eg kan vera kreativ av og til:)

Viss nokon nyskjerrige sjeler lurer på korleis mannen min ser ut, så er det han som er på veg mot venstre i biletet i svart jakke og grå bukse. Herr organist faktisk.

Ha ei fin veke!

Sprell levende Silje?

Her i Rindal driv me nå på med mykje rart for tida. Dei siste grusomme rekningane etter husoppussing er på plass og skal bli betalt, alt snøen har rasa ned frå taket vårt og rekkverket på verandaen er øydelagt... Men det ordner me vel til sommaren. Me fjerna halvparten av snøen i dag, men verandaen er stor og det regner. Skulle gjerne hatt digitalkamera. For min familie er det jo litt eksotisk når me bare ser snø ut av vindauget...

Men sprell levende ja. Me er mange som har gode minner frå sundagsskule i barndommen, så nå skal det bli sundagsskule i Rindal og. Sjølvsagt må innflyttarsilje dra det heile i gang, så i morgon skal det kastas ballongar frå galleriet i kyrkja:) Opplegget til Norsk Søndagsskoleforbund heiter nemleg Sprell levende, og då må ein jo finna på noko rart. Informasjon om sundagsskulane skal ligga inni ballongane. Eg gler meg til å sjå fjesa til sindige rindalingar:)

God helg!

Endeleg!

Endeleg blogger eg igjen! Skifta til ny versjon her ein kveld og det var visstnok ok, men så plutseleg starta administratorane over havet og gjera eit eller anna slik at blogger var nede, så eg fekk ikkje sett kommentarene eg har fått sidan sist og ikkje skrive ny blogg. Då blei eg sur. Eg skulle jo endeleg vera flink.

Sidan sist har det skjedd mykje rart i livet mitt. Det blir ein altfor lang post å skriva om det, men om dei koselege elevane mine går det jo an å fortelja. Sjå artikkel om ein annleis tysktime.

God helg!

Familie

Familie er kjekt å ha. Nokre er meir tilgjengelege enn andre, både geografisk og på nett. Eg må bare seia at mitt fantastiske vertskap i Trondheim kvar gong eg er på pedsamling har ei superkoseleg heimeside med mange fine bilete og ein morosam blogg, særleg dersom ein samanliknar han med denne... Sjekk dei ut http://www.oddgeir.no/
Bare det å kapra den adressa er jo litt morosamt.

Good Bye Lenin - bloggen

http://10goodbyelenin.blogspot.com/

Tysktime

Heisann, midt inne frå ein tysktime.
Me har sett "Good Bye, Lenin", ein kjempefin film frå Tyskland som handler om tida frå hausten 1989-hausten1990. Me blir kjent med ein liten familie rett før Berlinmuren blir opna. Mora fell i koma på veg til feiring av at DDR er 40 år då ho ser at sonen deltek i ein demonstrasjon for å opna grensene i DDR. Etter åtte månader vakner ho, men ho kan ikkje få store overraskingar. Ho veit ikkje at grensene er opna og at det har kome mange vestlege produkt inn i DDR. Sonen Alex bestemmer at dei skal skjula det som har skjedd i samfunnet og innreia leiligheita som før. Me følgjer ein familie i eit samfunn i endring. Filmen er god - eg har sett han tre gonger:)

Me, dvs. eg, har laga ein blog der elevane skal skriva kva dei arbeider med og om framgangen desse to vekene me jobber med oppgåver i tilknytning til filmen. I bloggen ligg lenker til relevante nettsider.

Blir interessant å sjå om det fungerer/er nyttig.

Tida

Trur eigentleg denne tida bare velter over oss, akkurat som ein tsunami. Ok, kanskje eit for sterkt bilete, men av og til kjennes det slik når oppgåvebunkene (som ikkje er bunker, men som ligg på nett sjølvsagt) blir fleire og fleire og elevane produserer flittig, oppussinga av huset går framover, men så kjem det tusen nye ting ein må ordne og november er snart slutt og eg vil flytte før jul og bake litt og rydde litt og lage album til "litjtøsa" som dei ville sagt her i Rindal og kanskje bare nyte haustmørkret og slappe litt av med ei god bok, men det går ikkje nei, for Kristin synest at me bør blogge ein gong i veka og nå er det ei veke sidan siste dag på samlinga i Trondheim og eg har rukke å vore sjuk, hatt besøk, rive tapet og vore på jobb, så nå må eg blogge så verda blir kjent med meg og mitt. Den tida ja. Det er jo bra at det skjer ting og, viss ikkje hadde det vore keisamt. Det ein ikkje får gjort i dag, må ein gjera i morgon, eller dagen etter det, eller neste veke eller...

Bare legg merke til ein ting: Eg er faktisk ikkje stressa, bare litt trøytt...:)

Samling

Så sit me her og koser oss med lenker og mykje anna rart. Koseleg å treffe folk på FPPU igjen. Nå blei eg jo inspirert til å oppdatere bloggen min. Men eigentleg er det mykje kjekkare å sjå kva andre gjer...

Å blogga - å vera ein bloggar

Etter å ha skrive eit par innlegg i bloggen min, lest andre sine bloggar og kommentert, så tenker eg vel at dette er heilt greit. Endå har eg ikkje heilt det store behovet for å publisera det eg tenker til heile verda, for eg synest ikkje det er så utruleg interessant det eg har å seia. Eg liker eigentleg best å kommunisera direkte med folk. Men det har jo sin sjarm å sjå kva andre tenker om det same emnet eller andre emner då. Drivabloggen,
http://blog.driva.no/cps/etc?template=oversikten er jo ganske interessant, ettersom eg veit kven nokre av dei som skriv er.

Å laga sin eigen blogg, gjekk ganske greit, men eg skulle gjerne hatt instruksjonane på norsk. Dataspråk på engelsk er ikkje mi greie. Harry Potter på engelsk er supert:) Eg er altså ikkje heilt hekta på å skriva til verda endå og har ikkje fått kick av å ha mitt område på det rare, uforståelege nettet. Men kven veit... Sjå kva som skjer!

Pedagogisk bruk av IKT

-hm, dette kan jo bli nyttig, men kva er det?, tenkte eg då eg såg at eg skulle ha dette faget.
Håper den ansvarlege har peiling og veit kva han vil slik at me ikkje må læra oss word... Håper at eg kan lære meg litt meir om å bruke IKT, bli betre sjølv.
Håper eg kan oppdage noko nytt og spanande som passer til det å lære tysk og kommunisere med andre.
Håper at mine medstudentar som kanskje har lærarerfaring kan kome med nyttige tips til det å integrere IKT i undervisninga.

Er blogg nyttig eller bare eit egosentrisk verktøy for å få lov til å uttrykke eigne meiningar i fred og ro?
Kanskje eg kan bruke blogg i undervisninga?
Kanskje elevane mine kan begynne å blogge på tysk?
Kanskje 9.klassingane kan bruke blogg i e-mailprosjektet sitt? Skrive på tysk og la partnarane i Moskva kommentere det?
Kanskje blogg kan få nokon til å skrive friare?
Kanskje blogg kan vere eit lurt verkemiddel for å få elevar til å uttrykke eigne meiningar i til dømes samfunnsfag/religion?
Kanskje det å ha ein blogg kan lære nokon folkeskikk?

Eg trur kanskje at blogg er kult. Eg trur kanskje at dette faget kan bli nyttig.

Ting tar tid

Nå har eg faktisk, på tross av dårlege engelskkunnskaper funne ut korleis eg skal legge inn lenkar. Det er bare det at det virka bare med den eine. Hm. Blir litt rive mde av dette her og vil jo ordne litt på denne sida. Skal snart byrje å skrive noko meiningsfylt og, men det har eg ikkje tid til nå. Middag skal lagast på 7 minutt :)
Bis später! (=snakkes seinare (sånn cirka))

Hei og hå.

Nå har eg ein blogg:-) Må gå på møte, men det blir vel meir skriving snart.